Бензините од ноќеска ќе поевтинат за еден денар, додека дизелот ќе добие цена пониска за половина денар, одлучи Регулаторната комисија за енергетика.
Еден литар Еуросупер БС – 95 ќе чини 70,50 денари за литар, додека Еуросупер БС – 98 ќе се продава по 72,50 денари.
Малопродажните цени на Еуродизел (Д-Е V) и на Екстра лесното масло за домаќинство (ЕЛ-1) се намалуваат за 0,50 денари за литар. Со тоа цената на Еуродизел (Д-Е V) ќе изнесува 53 денари за литар, а на Екстра лесното масло за домаќинство (ЕЛ-1) изнесува 41,50 ден/лит.
Малопродажната цена на мазутот М-1 НС се намалува за 0,627 ден/кг и ќе изнесува 25,691 ден/кг.
