Дубаи е познат по луксузните хотели и ресорти, а оваа есен ќе добие уште еден ултра луксузен комплекс наречен FIVE Jumeirah Village Dubai.
Огромното здание ќе се состои од 501 единица, вклучувајќи хотелски соби и апартмани во различна големина, секоја од нив со свој приватен базен или џакузи.
Комплексот ќе располага со сопствено зеленило, односно покривот на еден апартман ќе биде градина на тој над него. Зеленилото ќе придонесува и за намалување на температурата, пишува Forbes.
Зградата ќе има вкупно 60 ката, а секоја сместувачка единица ќе располага со панорамски поглед на Дубаи.
Освен индивидуалните 156 базени и 134 џакузија, ресортот со пет ѕвезди, исто така, вклучува и главен базен, ресторан со секаков вид на храна, ReFIVE урбана бања и сала за вежбање.
Фото: FIVE
