Европските берзански индекси ја започнаа неделата со раст денес, поттикнати од очекувањата дека Федералните резерви на САД (ФЕД) би можеле да ги намалат каматните стапки во декември.
Следниот состанок на Федералните резерви за монетарната политика ќе се одржи на 9 и 10 декември, а пазарите по најновите изјави од банкарските претставници проценуваат дека веројатноста за намалување на каматната стапка од 25 базични поени сега е 69,3 проценти, објавува CNBC.
Денес во 9:30 часот наутро, индексот DAX на Франкфуртската берза порасна за 0,96 проценти на 23.308, 52 поени, францускиот CAC 40 за 0,47 проценти на 8.022,03 поени, британскиот FTSE 100 за 0,45 проценти на 9.581,35 поени, московскиот MOEX за 0,31 процент на 2.692,76 поени.
Европските фјучерси за гас за декември беа продадени денес на отворањето на берзата TTF по цена од 29,985 евра за мегават-час.
Според моменталните податоци од берзата, цената на суровата нафта падна на 57.751 долари, а цената на нафтата од типот Брент на 62.321 долари.
Цената на златото се искачи на 4.063,42 долари за унца, а цената на пченицата падна на 5,2455 долари за бушел (еден бушел е еднаков на 27,216 кг).
Вредноста на еврото во однос на доларот на берзата Форекс е 1,15245 долари, што е за 0,09 проценти повисока отколку на почетокот на тргувањето.