Google во наредните пет години ќе инвестира повеќе од 900 милиони долари за да ѝ помогне на Италија во економското закрепнување поради кризата предизвикана од коронавирусот, најави денеска извршниот директор на Google, Сундар Пичаи, пренесува Breaking The News.
“Google е горд што е партнер во економското закрепнување на Италија. Денес најавуваме ‘Italia in Digital’, нов план за забрзување на економското закрепнување на земјата,нудејки низа алатки, обуки и партнерства за поддршка на компаниите и луѓе кои бараат работа”, изјави Пичаи.
Како дел од оваа иницијатива, Google ќе лансира два нови облак системи во Италија, во соработка со телекомуникацискиот оператор TIM, за да им помогне на малите и средни бизниси, како и на поединците во дигитализацијата.
Италија е една од најтешко погодените земји во Европа, а со коронавирусот најмногу се погодени угостителството и сместувањето, логистиката, сообраќајот и трговијата.
Како што покажува италијанскиот институт за статистика (ISTAT), со кризата се погодени 34% од италијанските производители.
Исто така се суспендирани активностите и работењето на 2,2 милиони компании, што претставува 49% од вкупниот износ, а 65% од целиот извозен бизнис беше затворен.
Фото: Pixabay
