Во вториот квартал од фискалната година, Индија забележа силен економски раст од 8,2 проценти на годишно ниво, со што земјата го задржа статусот на најбрзо растечка голема економија и покрај царините што ѝ ги наметна американскиот претседател Доналд Трамп.
Тоа е најбрзиот економски раст во Индија во последните шест квартали, се додава во извештајот.
Растот во кварталот што заврши на 30 септември ги надмина проценките на централната банка и очекувањата на повеќето аналитичари, поттикнат првенствено од производството, градежништвото и исклучително силниот услужен сектор, објавува „Индија тајмс“.