Европската банка за обнова и развој (ЕБОР) ќе започне информативна кампања за вредноста на бизнис советувањето и трансфер на практично знаење за малите и средни претпријатија, информираат од Канцеларијата на ЕБОР во земјава.
Кампањата започнува утре, а ќе трае до 30 овој месец, со настани во Тетово, Битола и во Скопје. Информативната кампања се фокусира на вредноста на знаењето за раст на бизнисот и постигнување комерцијален успех, како и на чекорите како да се дојде до практично знаење на субвенционирана основа со помош од ЕБОР.
Македонија е дел од 25-те земји во кои ЕБОР ќе ја реализира кампањата. Опфатени се држави од Југоисточна и Источна Европа, Северна Африка, Русија и Централна Азија.
