Фото: Pexels
Отфрлањето на некои намирници од исхраната може да ни помогне да ослабнеме некој килограм. Сепак, не се сите диети добри за секого, а еве како да препознаете дали сте погрешиле во изборот.
Се чувствувате уморно
Жените дневно мораат да внесат од 1.200 до 1.400 калории, дури и кога се на диета. Исхраната со помалку калории може само да предизвика контраефект – нема да се согоруваат маснотии, туку само мускулна маса.
Не можете да ги следите оброците
Повеќето диети наложуваат да се јаде барем пет пати дневно по мали количини. Меѓутоа, многумина не можат да се придржуваат до тоа поради секојдневните обврски, што значи дека одредената диета не е за вас.
Се одрекувате од некои намирници
Ако сте алергични на одредени намирници секако дека нема да ги конзумирате, но стручните лица не се согласуваат во целост да се откажете од некоја храна. На вашето тело му требаат разновидни намирници, а истите треба да ги конзумирате во умерени количини.
Иста храна секој ден
Веќе три дена јадете еден ист оброк, а со тоа на телото му давате само еднолична храна што не може да ги задоволи потребите на организмот. Ако продолжите со таква исхрана само ќе создадете дисбаланс во организмот и нема да го постигнете саканиот ефект.
Воопшто не јадете шеќер
На вашето тело му е потребен шеќер, затоа не смеете целосно да ја исклучите оваа намирница. Одвреме навреме дозволете си по една коцка темно чоколадо или некое мало колаче.
Јадете само течна храна
Никако не смеете да држите диета само со супи, чорби и разни напитоци. Со тоа можете само да го уништите дигестивниот систем.
