Познатиот магазин за патувања направи листа на најпријателски европски градови. На прво место е град во кој времето не е многу топло, но луѓето се топли, што го прави препорачлив за градски паузи.
Според читателите на Condé Nast Traveler, најпријателскиот град во Европа е шведскиот главен град Стокхолм. Овој град ја доби оваа титула како дел од Readers Choice Awards во 2024 година, каде што го зазеде првото место. Будимпешта и Валенсија се на второто и третото место.
Стокхолм е исто така еден од најубавите градови во Европа. Тоа е идеална комбинација на земја и вода, езерото Маларен и Балтичкото Море. На овој простор има навистина безброј острови со различна големина, па доколку дојдете во овој град со авион и од воздух ќе разберете каква e убавината.
Можеби најубавиот дел од приказната е тоа што добар дел од Стокхолм е покриен со паркови, шуми и зелени површини. Сето ова придонесува за колоритноста и убавината на овој град. Дополнително, делот кој е урбан и граден за живот секако ги возбудува патниците бидејќи овој град припаѓа на еден од најцивилизираните и најуредените градови во цела Европа.
Во Шведска е генерално студено, но зимите се слични на нашите, со единствена разлика што можат да траат и неколку месеци. Во летниот период температурата е повеќе од погодна за посета на градот бидејќи тогаш температурата не надминува 20 степени Целзиусови.
Списокот на други пријателски европски градови можете да го најдете ТУКА.
