Дигиталната ера расте со брзо темпо, па Brainster повторно воведува нов концепт – focused learning. Денеска ги лансира еднодневните PopUp курсеви, на кои секој може да научи една вештина за едно попладне.
Замисли да учиш по една нова вештина, секоја недела?
Во новите канцеларии на Brainster секој понеделник ќе се организираат работилници со времетраење од четири часа. По завршувањето секој учесник ќе понесе нешто дома темплејт, практична вештина, концепт, идеја.
“На тебе оставаме дали со она што ќе го научиш кај нас, ќе го лансираш следниот најлуд старт – ап или пак ќе започнеш да ја работиш работата од соништата”, порачуваат од Brainster.
Како изгледа еден PopUp курс?
Со оваа програма се фокусираат на едуцирање во различни дигитални области кои се во моментов актуелни. Целта е преку практични примери и интерактивни сесии со нивните најдобри инструктори за едно попладне:
✓ Да научиш една вештина
✓ Да запознаеш нови луѓе и размениш идеи
✓ Да останеш во тек со дигиталните трендови
✓ Да заштедиш време преку ефикасно учење
✓ Да се инспирираш за следниот твој голем проект
✓ Да откриеш во што си добар
За кого се наменети PopUp курсевите? За сите кои сакаат да стекнат практични вештини од областа на маркетинг, бизнис, програмирање и дизајн, брзо и ефикасно. За професионалци, студенти, индивидуалци или за компании.
Компаниите ќе имаат можност месечно да ги претплатат своите вработени за овие предавања и да им подарат по една нова вештина секоја недела.
Започнуваат со:
3 продажни техники со Петар Лазаров
Напиши го твојот прв код: HTML & CSS за почетници
Регистрирај се тука за PopUp Курсеви.
