Pikaplant е компанија од Амстердам чија главна цел е грижа за различни видови на растенија со минимален напор. За да останат верни на таа филозофија, тие го осмислија Pikaplant One – вертикална градина за едноставно одржување на растенија.
Оваа полица автоматски ги полева цвеќињата со помош на резервоар полн со вода, кој се наоѓа на врвот и со помош на посебен систем од цевки ја спроведува водата до растенијата.
Компанијата осмислила проект кој имитира природен влажно – сув циклус на подземни води, а како резултат на тоа добиле полица што може да ги наводнува цвеќињата и во време кога нема никој во просторијата. Резервоарот собира доволно вода за наводнување на растенијата за еден месец.
Дизајнот на полицата може совршено да се вклопи во ентериерот на секој дом.
