Компанијата, со седиште во Пекинг, ByteDance, во чијашто сопственост е популарната апликација ТikTok, оствари приход од околу 40 милијарди јуани (5,64 милијарди долари) во првиот квартал годинава. Ова е 130% повеќе отколку во истиот период минатата година.
Апликацијата на компанијата ByteDance забележа голем раст за време на пикот на пандемијата Ковид-19, бидејќи поради мерките за ограничување луѓето останаа дома и повеќе ја користеа.
Целта на приходот на компанијата за 2020 година е поставена на околу 28 милијарди долари. ByteDance сака да достигне половина од приходите на ривалската компанија Tencent.
ByteDance неодамна е проценет на 95 до 140 милијарди долари. Компанијата се обидува да ја развие и заработи од TikTok, а минатиот месец го назначи Кевин Мајер, поранешен извршен директор на пренос на видео записи во компанијата Walt Disney, за нов извршен директор на TikTok.
Фото: Pixabay