Бензинот Еуросупер БС – 95 поевтинува за половина денар и ќе се продава по 60,50 денари за литар, одлучи денеска Регулаторната комисија за енергетика.
Цените на бензинот Еуросупер БС – 98 и на Еуродизел (Д-Е V) не се менуваат, односно остануваат 63 и 52,50 денари за еден литар.
Малопродажната цена на Екстра лесното масло за домаќинство (ЕЛ-1), се зголемува за 0,50 денар/литар, во однос на малопродажната цена утврдена со Одлуката од 29.06.2020 година и со тоа неговата нова цена изнесува 52,50 ден/лит.
Малопродажната цена на мазутот М-1 НС се зголемува за 0,156 ден/кг во однос на цената утврдена со Одлуката од 29.06.2020 година и со тоа малопродажната цена на мазутот М-1 НС изнесува 25,980 ден/кг.
Фото: Freepik
