Откако почнаа да пристигнуваат во Украина минатата пролет, сателитските интернет терминали Starlink изградени од SpaceX на Илон Маск беа витален извор на комуникации за украинската војска.
Сателитските интернет терминали и дозволија на украинската војска да се бори и да остане поврзана дури и кога мобилните телефони и интернет мрежите на земјата се уништени од руската агресија.
Досега, приближно 20.000 сателитски единици Starlink и се донирани на Украина, а Маск во петокот рече дека „операцијата го чинела SpaceX 80 милиони долари и ќе надмине 100 милиони долари до крајот на годината“.
Добротворните придонеси од компанијата на Маск би можеле да запрат бидејќи SpaceX го предупреди Пентагон дека може да престане да ја финансира услугата во Украина доколку американската војска не плаќа десетици милиони долари месечно потребни за одржување на системот.
Документите до кои дојде Си-Ен-Ен покажуваат дека минатиот месец, SpaceX на Маск испрати писмо до Пентагон во кое вели дека повеќе не може да продолжи да ја финансира услугата Starlink како што правеше.
