Групацијата Volkswagen најави создавање на подружница наречена Volkswagen Autonomy (VWAT), којашто ќе се фокусира на креирање на автономни возила.
Германскиот гигант, освен канцеларии во матичната земја, планира да отвори и компании во САД (Силиконската долина) и Кина, во 2020 односно 2021 година.
Според производителот, Volkswagen Autonomy ќе биде “глобална технолошка компанија што ќе ја спојува експертизата од автомобилската и технолошките индустрии“.
Планот е да се комерцијализира автономното возење на глобално ниво кон средината на следната декада, пишува CNBC.
Исто така, Volkswagen Group во јули најави дека заедно со Ford ќе работат на автономни возила.
Фото: Pixabay
