Профитот на кинески Xiaomi скокна за рекордни 64 проценти на годишно ниво во вториот квартал, бидејќи компанијата го зголеми својот удел на глобалниот пазар на паметни телефони и се разви во областа на Интернет на Нештата (IoT).
Продажбата на Xiaomi во вториот квартал достигна 87,8 милијарди јуани (13,56 милијарди долари), наспроти 53,54 милијарди во истиот период минатата година, над проценките на аналитичарите од 84,53 милијарди јуани.
Нето приходот од 6,32 милијарди јуани беше 87,4 проценти поголем од вториот квартал минатата година и исто така ги надмина очекувањата.
Санкциите на американската влада против ривалот на Xiaomi, Huawei, ефективно го уништија бизнисот со паметни телефони на технолошкиот гигант и му дозволија на Xiaomi, заедно со кинеските производители Oppo и Vivo, да го зголемат својот удел на пазарот.
Уделот на Xiaomi на глобалниот пазар на паметни телефони порасна 83 проценти на годишно ниво во кварталот што заврши до јуни, според истражувачката фирма Canalys. Притоа, испорача 52,8 милиони телефони, со што стана втор најпродаван бренд во светот за прв пат во својата историја, зад Samsung и пред Apple.
