Чешките рафинерии побараа нафта од државните резерви. Ова го соопшти претставникот на полската компанија Орлен, Павел Каидл.
Според него, причина за ваквиот чекор е прекинот на испораките преку нафтоводот Дружба.
Производството на бензин во двете фабрики се одвива нормално, но една од овие рафинерии ќе треба да се снабдува со резервни суровини, објасни Каидл.
Да потсетиме дека во Чешка има две рафинерии за нафта, во сопственост на полскиот концерн Орлен Унипетрол.
Вреди да се напомене дека чешките власти за актуелната ситуација ја обвинуваат Полска, која според нив намерно го прекинала снабдувањето со руска нафта за Чешка.
Проблемите со плаќањето меѓу полскиот сопственик на чешките рафинерии и руските добавувачи предизвикаа Русија да го прекине снабдувањето со нафта преку нафтоводот Дружба, нагласува чешката влада.
Западните медиуми, исто така, изразија збунетост од однесувањето на Варшава, истакнувајќи дека Прага планира да ги прекине долгогодишните нафтени врски со Русија дури кон средината на оваа година.
Менаџментот на полскиот концерн сепак ги негира обвинувањата, нагласувајќи дека постапува во рамките на санкциите кои претходно беа воведени кон Русија.
