Фото: Pixabay
Немањето време е често алиби за стихијниот пристап и недоволната подготовка за бизнис преговорите. Кога станува збор за преговори со нови партнери, добрата подготвеност за состанокот е од клучно значење.
Доколку сакате успешно да ја “одиграте” продажбата, еве неколку чекори што ќе ви го овозможат тоа:
Одредете ја својата почетна понуда – максималната цена која можете да ја очекувате од преговорите.
Одредете ја својата последна понуда – минималната цена под која преговорите немаат значење за вас.
Одредете ја и својата реална цена во преговорите – онаа што се надевате дека ќе ја добиете.
Одредете кога и колку ќе ја намалувате/зголемувате почетната понуда.
Имајте ја во предвид најдобрата алтернатива доколку преговорите не одат во посакуваната насока.
Истражете ја добро и другата страна: со кого преговорате, кои се нивните интереси, која би можела да биде нивната најголема понуда, која е минималната понуда, што сакаат да добијат, имаат ли алтернатива доколку преговорите не успеат?
Добро познавајте ги своите, но и нивните јаки и слаби страни.
Така ќе бидете подготвени за различните насоки во кои преговорите можат да тргнат, а можноста да ги постигнете очекуваните резултати ќе биде многу поголема.
