Производството на нафта во Либија се врати на нормално ниво по ограниченото влијание од затворањето на три нафтени полиња поради протестите во вторникот, изјави претседателот на Националната нафтена корпорација, Масуд Сулеман.
Тој додаде дека условите во моментов се нормални и дека не очекува понатамошни затворања, објави Ројтерс.
Според Сулеман, припадниците на безбедносните сили задолжени за заштита на либискиот нафтен сектор го затвориле вентилот на главниот цевковод за товарење сурова нафта Хамада-Завија, со што целосно го запреле производството на полињата Хамада, Тахар и NC5.