Шпанскиот аеродром Теруел, најголемиот центар за складирање, одржување и рециклирање на авиони во Европа, повторно стана еден вид паркинг за авиони заземјени низ цела Европа, овој пат поради војната со Иран, што доведе до затворање на воздушниот простор и пренасочување на летови.
„Ова не е вообичаено. Компаниите ги ревидираат своите флоти и рути и бараат побезбедни места за паркирање на своите авиони, а Европа се вклопува во тие потреби“, рече генералниот директор на аеродромот, Алехандро Ибрахим.
Сместен во оддалечен и сушен дел од рурална Шпанија, аеродромот е специјализиран за долгорочно паркирање и демонтажа на големи авиони, а за време на пандемијата Ковид-19, примил околу 140 авиони во период од две години, објавува Ројтерс.