68 милијарди евра руски имот се замрзнати во Европската унија

20

Европската унија замрзна вкупно 68 милијарди евра руски имот, од кои најголемиот дел се во Белгија, се наведува во интерниот документ на Европската комисија, кој го видел Политико.

Од вкупно 68 милиони евра замрзнати руски средства, на Белгија отпаѓаат 50 милијарди, а по неа е Луксембург со 5,5 милијарди евра.

Кога на Белгија и Луксембург ќе им се придружат Италија, Германија, Ирска, Австрија и Франција, сите тие претставуваат повеќе од 90 отсто од замрзнатите средства на руските граѓани во ЕУ.

Меѓутоа, Брисел не знае колку руски национални девизни резерви се замрзнати во Унијата, наведува овој медиум. Во интерниот документ на Комисијата е наведена приближна бројка од 33,8 милијарди евра, но се додава дека „тоа во моментов се проценува, па точната бројка не е дадена“.

Комисијата сè уште чека Советот на Европа да одобри одлука со која затајувањето на санкциите би станало кривично дело во ЕУ, што би го олеснило конфискацијата на имотот во случај на кривична пресуда.

Проблемот, некако изненадувачки, е што Полска го запре овој процес, се вели во документот на ЕК. Еден дипломат рече дека Варшава е целосно усогласена со ЕУ, но дека прво треба да донесе национален закон, додавајќи дека постапката е во тек, пренесува Политико.