Германскиот производител на автомобили Фолксваген во четвртокот објави дека планира да инвестира во развивање на сопствена технологија за автономно возење во Кина, најголемиот пазар на автомобили во светот.
Софтверскиот оддел на VW Cariad и неговиот иден кинески партнер Horizon Robotics во четвртокот потврдија дека ќе формираат заедничко вложување кое ќе се фокусира на софтвер и специјализирани микрочипови за автономно возење.
Германците сакаат да инвестираат околу 2,4 милијарди евра (2,3 милијарди долари) во проектот како целина и да имаат 60% удел во новата компанија.
Доколку властите одобрат, новиот потфат би требало да започне во првата половина на 2023 година.
Horizon Robotics, со седиште во кинескиот главен град, првенствено се занимава со вештачка интелигенција, машинско учење и мрежни платформи за сообраќајни системи.