Руски Газпром соопшти дека испораките на природен гас во Кина достигнаа ново рекордно високо ниво поради зголемената побарувачка.
На 23 ноември, кинеската национална нафтена корпорација побара нови количини на гас преку рутата Моќта на Сибир 1 што уште еднаш ги надмина договорните обврски на Газпром, се вели во изјавата на рускиот производител цитирана од државната новинска служба Тасс во саботата, објави Блумберг.
„Газпром“ ги испорача сите барани количества и постави нов рекорд во дневните испораки на гас во Кина“, се вели во соопштението.
Минатиот месец Газпром и ЦНПЦ потпишаа анекс на договорот за снабдување со гас преку Моќта на Сибир 1, кој предвидува дополнителни испораки до крајот на 2023 година.
Русија следната година има намера да извезе 30 милијарди кубни метри гас во Кина и на крајот да ги зголеми испораките на 38 милијарди кубни метри гас годишно. Посебните пратки на идната далечна источна рута би можеле да достигнат уште 10 милијарди кубни метри годишно.
Во 2020 година руската компанија продаде околу 120 милијарди кубни метри гас на Западна Европа.
