Бројот на компании кои прогласија банкрот во првиот квартал од 2024 година е намален за 0,8 отсто во ЕУ и за два отсто во еврозоната во однос на претходниот квартал, објави Евростат, статистичката служба на Европската унија.
Во четвртиот квартал од 2023 година, бројот на прогласени банкротства е зголемен за 3,2 отсто во ЕУ и за 7,8 отсто во еврозоната, во однос на третиот квартал.
Иако вкупниот број на стечаи е благо намален, во секторите на економијата има различни трендови, наведува Евростат.
Гледајќи ги стечајците по активност, во однос на претходниот квартал, во првите три месеци од годинава тие се намалени во секторите трговија и градежништво, каде што има помалку за 3,3 отсто, односно за 1,2 отсто.
Најголем пораст на стечаите е забележан во секторот транспорт и складирање од 15,2 отсто и индустрија за 9,1 отсто.
Латвија забележа најголем пораст на банкроти меѓу земјите-членки за кои се достапни податоци, 67,8 отсто, споредено со првиот квартал од 2024 година со четвртиот квартал од 2023 година. Потоа следуваат Шведска со 42,7 отсто и Романија со 32,6 отсто.
Најголем пад на бројот на прогласени банкроти е забележан во Грција за 40 отсто, Германија за 31,0 отсто и Данска за 19,6 отсто. Во Хрватска е забележано намалување од 11,4 отсто.
Регистрација на нови фирми
Во истиот период регистрираните фирми се зголемени за 1,6 отсто, во однос на четвртиот квартал од минатата година. Статистичките податоци покажуваат дека бројот на регистрирани бизниси бил поголем во сите сектори на економијата.
Регистрациите на бизнисите најмногу бележат пораст во образованието, здравството и социјалните услуги, за 5,2 отсто во однос на последниот квартал од 2023 година.
Меѓу земјите-членки на ЕУ, најголем пораст на регистрациите на нови бизниси во првиот квартал од 2024 година е забележан во Белгија, 21,9 отсто, потоа Ирска со 17,6 отсто и на крајот Италија со 7,4 отсто, во споредба со последните три месеци од 2023 година. Во Хрватска , регистрираните нови фирми се зголемени за 1,9 отсто.
Најголем пад е забележан во Австрија од 14,2 отсто, потоа Луксембург 11,4 отсто и Романија 10,3 отсто.