Претседателката на Европската централна банка (ЕЦБ) Кристин Лагард навести дека е веројатно намалување на каматните стапки следниот месец.
„Доколку податоците што ги добиваме го зајакнуваат нивото на доверба што го имаме – дека ќе постигнеме инфлација од 2 отсто на среден рок, што е нашата цел, наша мисија, наша должност – тогаш постои голема веројатност за намалување на 6 јуни. “ изјави Лагард за ирскиот RTE One во телевизиско интервју емитувано во вторникот.
„Навистина сум убедена дека инфлацијата ја имаме под контрола“, рече таа. „Прогнозата што ја имаме за следната и годината потоа е навистина многу, многу блиску до целта, ако не и на самата цел. Затоа, убеденa сум дека преминавме во контролна фаза“.
Членовите на Управниот совет на ЕЦБ одбиваат да се обврзат на одредена каматна стапка – ова мислење го сподели Лагард во интервју за RTE One.
Коментирајќи во одделно интервју за германски Handelsblatt, исто така објавено во вторникот, претседателот на Бундесбанк, Јоаким Нагел, повика на претпазливост по веројатното прво намалување.
„Не треба набрзина да ги намалуваме стапките и да го загрозиме она што го постигнавме“, рече тој, додавајќи дека неизвесноста „сè уште е голема“.
Значи, „дури и ако стапките се намалат за прв пат во јуни, тоа не значи дека дополнително ќе ги намалуваме стапките“ на следните состаноци, рече Нагел.
Темпото на инфлација во еврозоната драстично забави, иако застана на 2,4% во април и не се очекува да се повлече до целта на ЕЦБ од 2% до втората половина на следната година.