Расположението во германската економија продолжува да стагнира. Индикаторот за економска клима, кој го пресметува минхенскиот институт за економски истражувања Ifo, во јуни во однос на мај е намален за 0,7 поени на 88,6 поени, но само поради попесимистичките очекувања.
Моменталното расположение останува непроменето како и во мај.
Во производството, состојбата се влоши по три последователни месечни подобрувања. Компаниите се доста задоволни од моменталната состојба, но се прилично неизвесни во наредните месеци, соопштија денеска од Иф.
Во услужниот сектор показателот е зголемен бидејќи компаниите се сосема задоволни од моменталната состојба. Институтот ја истакна подобрата перспектива на хотелиерите.
Во трговијата најмногу се влошени условите и очекувањата, што се однесува и на големо и на мало.
Расположението во градежништвото благо се подобри во јуни. Компаниите се нешто помалку задоволни од моменталната состојба, но очекувањата се пооптимистички. Најголем проблем во индустријата останува недостигот на нарачки.
На крајот со сигурност може да се каже дека германската економија има проблеми да ја надмине стагнацијата, посочуваат од институтот.
