Германската индустрија продолжува со слабите резултати. Нарачките беа во рецесија во јуни шести месец по ред, објави Националното биро за статистика.
Јунскиот извоз е за 0,2 отсто под мај и за 6,2 отсто послаб од 12 месеци претходно, пренесува ДПА.
Пред се, големите сектори во економијата се покажаа послаби: од мај автомобилската индустрија забележа извоз минус од 0,9 отсто, а машинската индустрија од 0,7 отсто.
Во исто време, рецесијата во автомобилскиот сектор беше продолжена на 17 последователни месеци.
Во минус е и надворешната трговија. Во надворешнотрговската размена, и извозот и увозот се намалени во првата половина од годината, извозот за 1,6 отсто на годишно ниво, на 801,7 милијарди евра, а увозот за дури 6,2 отсто, на 662,8 милијарди, покажуваат статистичарите. Надворешно-трговскиот суфицит се зголеми за 28,7 отсто, на 138,8 милијарди.
Пред се, големите сектори од економијата извезуваа послабо: автомобилската индустрија забележа извоз минус од 2,4 отсто, а машинската индустрија од 4,4 отсто. Слично функционираше и хемиската индустрија.
Најзначајни извозни пазари во првата половина од годинава беа САД, Франција и Холандија. Германија најмногу увезла од Кина, со која забележала надворешнотрговски дефицит од 25,3 милијарди евра.
