Во главниот град на Австрија купувањето велосипеди на лизинг преку фирма станува сè попопуларно. Сè повеќе виенски компании на своите вработени наместо службено возило им нудат службен велосипед.
Кој изнајмува велосипед преку фирма може да го исплати подоцна по поповолна цена. За време на периодот на закуп, има и големи даночни поволности. Пандемијата предизвика вистински долгорочен бум кога станува збор за велосипедизмот во Виена. А неодамна е забележан тренд на купување велосипеди на лизинг.
Сè повеќе компании им нудат на своите вработени велосипеди за лизинг. Заштедата од околу 35 проценти произлегува од месечните плаќања за закуп што се одбиваат директно од бруто платата. Ова создава даночни олеснувања од околу 30 до 40 проценти, во зависност од приходот. Во моментов има неколку виенски компании кои нудат велосипеди за изнајмување на своите вработени. Може да се изнајмуваат сите видови велосипеди, од градски до електрични, а особено се популарни поскапите е-велосипеди.
За многу купувачи, лизингот овозможува набавка на скапи велосипеди со плаќање на рати и благодарение на даночните поволности.