Најголемиот светски производител на чипови, Taiwan Semiconductor Manufacturing Company (TSMC), објави квартална заработка која малку ги надмина очекувањата на пазарот и прогнозите на сопствената компанија, благодарение на продолжувањето на бумот на вештачката интелигенција (AI).
Приходите на компанијата во периодот јули-септември достигнаа 759,7 милијарди тајвански долари (околу 23,6 милијарди долари), наспроти очекуваните 750,36 милијарди тајвански долари, пишува Momentum Securities.
При презентацијата на последните квартални резултати, менаџментот на компанијата најави реализација во периодот од 22,4-23,2 милијарди долари.
Овој резултат ја одразува големата побарувачка за чипови со вештачка интелигенција и новите N3E процесори од клиенти како што се Apple, Qualcomm и MediaTek, и покрај доцнењата во испораката на Blackwell чиповите наменети за NVIDIA. Бруто маржата, исто така, може да ја надмине средната точка од 54,5 проценти.
Компанијата ќе ги објави своите квартални резултати следната недела, а фокусот ќе биде ставен на тоа дали компанијата ќе објави поголем квартален раст на приходите од очекуваните седум проценти. Најголем предизвик ќе бидат испораките на Apple поради послабата побарувачка за новиот iPhone, но се очекува големите нарачки од NVIDIA и Intel да го неутрализираат недостигот на реализација.
