Економијата на еврозоната забележа благ раст во третиот квартал, со двојно поголемо темпо на вработеност, покажаа податоците на европската статистичка служба Евростат.
Економијата на еврозоната порасна во третиот квартал, според сезонски приспособените податоци, за 0,4 отсто во однос на претходните три месеци кога беше зголемена за 0,2 отсто, ги потврди проценките на Евростат од крајот на октомври. Стапката на раст во периодот од јули до септември е највисока од летото 2022 година.
На ниво на ЕУ, активноста е зголемена за 0,3 отсто, како во периодот од април до јуни.
На годишно ниво, економијата на еврозоната порасна во третиот квартал за 0,9 отсто, по растот од 0,6 отсто во претходните три месеци, пренесува Хина, во согласност со претходната проценка.
Во ЕУ растот беше нешто посилен, според малку зголемената стапка на раст, на еден процент. Во пролетниот квартал изнесуваше 0,8 отсто. Шпанската економија порасна убедливо најсилно во третиот квартал на годишна основа, за 3,4 отсто.
Во групата големи економии, Франција забележа раст на активноста од 1,3 отсто, а Италија само 0,4 отсто. Германија, од друга страна, е во минус од 0,2 отсто, покажуваат податоците на Евростат.
На квартално ниво, Ирска забележа најсилен раст на БДП во третиот квартал, од два отсто.
Економиите на Унгарија и Шведска, според Евростат, се во рецесија, бидејќи економската активност во текот на летото беше намалена втор квартал по ред. Во групата е и Летонија, која е во рецесија од почетокот на годината. Евростат немаше податоци за Хрватска, Данска, Грција, Луксембург и Малта.
Бројот на вработени во еврозоната се зголемил во периодот од јули до септември за 0,2 отсто во однос на претходните три месеци кога е зголемен за 0,1 отсто. Во ЕУ порасна за 0,1 отсто, со исто темпо како и пролетта. Според Хина, вработувањето во Европа е на работ на стагнација од крајот на минатата година.
На годишна основа, бројот на вработени во еврозоната се зголеми во третиот квартал за 1,0 отсто, само малку посилно отколку во периодот од април до јуни.
Податоците за ЕУ покажуваат благо влошување, според зголемувањето на бројот на вработени во текот на летото за 0,8 отсто во однос на истиот период лани. Во вториот квартал порасна за 0,9 отсто.
