Соединетите држави ќе произведуваат нешто помалку гас оваа година, првпат од 2020 година кога побарувачката беше намалена поради пандемијата на Ковид, според најновите прогнози на Министерството за енергетика.
Производството на гас годинава ќе се намали за 0,4 отсто во однос на минатогодишниот рекорд, на просечни 103,3 милијарди кубни стапки дневно (2,93 милијарди кубни метри дневно), проценува Министерството.
Во 2025 година треба повторно да се зголеми, за 1,1 отсто, на 2,95 милијарди кубни метри дневно, пресметаа тие.
Американските компании годинава го намалија производството поради падот на извозните цени на најниско ниво во последните неколку децении. Во март, просечните месечни цени на бензинот на референтниот физички пазар во Луизијана паднаа на најниско ниво во последните 32 години, по што се стабилизираа на релативно ниски нивоа.
На некои пазари дури и цела година беа во минус, што значи дека производителите де факто им плаќаа на купувачите да си го купат гасот.
Годинава, според проценките на Министерството за енергетика, цената на гасот треба да биде за 14,3 отсто пониска од лани, а во 2025 година ќе порасне за 33,3 отсто поради зголемената побарувачка и извозот на течен гас. Во такви услови, пишува Хина, повеќе ќе произведуваат и компаниите.
