Брисел и Пекинг се блиску до решение за тарифите за увозот на кинески електрични возила во блокот, изјави претседателот на трговската комисија на Европскиот парламент за германска телевизија.
„Ние сме блиску до договор: Кина може да се обврзе да нуди е-автомобили во ЕУ по минимална цена“, изјави Бернд Ланге за n-tv, без да наведе повеќе детали. „Со ова би се елиминирало нарушувањето на конкуренцијата преку нелојални субвенции, поради што првично беа воведени тарифите.
Ланге, исто така, рече дека не ја споделува загриженоста на Германија за можните одмазднички мерки.
Како пример, тој ги наведе давачките за кинеските електрични велосипеди, на кои Пекинг се спротивстави, но потоа ги прифати, пренесува „AutoBlog“.
