Забраната за кутии со клучеви или шкафчиња со шифра беше потпишана на закон на 18 ноември во Италија и стапи во сила веднаш. Сепак, полицијата и локалните власти само што почнаа да ги известуваат платформите за изнајмување и сопствениците на имот, пишуваат италијанските медиуми.
Овие правила важат за сите видови краткорочно туристичко сместување, како што се изнајмување преку AirBnb и Booking. Мерката е воведена за „спречување на ризици за јавниот ред и безбедност поврзани со можното сместување на опасни поединци или поврзани со криминални или терористички организации“, рече италијанскиот министер за внатрешни работи.
– Автоматското управување со пријавувањето и влезот во имотот без визуелна идентификација на гостите“ претставува ризик дека „може да биде окупирана од едно или повеќе лица чии идентитети остануваат непознати за релевантните полициски органи, што претставува потенцијална опасност за заедницата – се додава во соопштението.
Министерството посочи дека забраната е воведена како одговор на „интензивирањето на феноменот на краткорочно изнајмување“ што произлегува од „бројните политички, културни и верски настани закажани во земјата“.
Што значи оваа забрана за патниците?
Новата одлука значи дека гостите повеќе не можат самостојно да се пријават во сместувањето, ниту да добиваат шифра за отворање на кутијата со клучот.
Наместо тоа, сопствениците или менаџерите на сместувањето мора лично да се сретнат со гостите за да ги потврдат документите за идентификација и да ги завршат процедурите за пријавување.
Личните информации на гостите и документите за идентификација мора да бидат испратени до полициските власти од страна на сопственикот на имотот во рок од 24 часа од пријавувањето.
Роберто Гуалтиери, градоначалникот на Рим, ја поздрави забраната како добра вест за сите, истакнувајќи го крајот на „бравите и кутиите што изгледаат грдо на улиците на Италија и спречуваат соодветни безбедносни проверки“.
Тој додаде дека планира да воведе „соодветни методи за интервенција“ за отстранување на овие типови уреди.
Фото: Pixabay