На валутните пазари вредноста на доларот во однос на кошничката валути дополнително се зголеми, откако минатата година скокна за повеќе од 6 отсто. Индексот на доларот, кој ја покажува вредноста на САД во однос на другите шест најважни светски валути, утринава се движи околу 108,50 поени, блиску до највисокото ниво во повеќе од две години.
Утрово курсот на доларот во однос на јапонската валута се движи околу 157,55 јени, блиску до највисокото ниво во последните пет месеци, додека во изминатата година порасна за повеќе од 10 отсто. Минатата година и американската валута зајакна во однос на европската, за речиси 6 отсто, додека цената на еврото во првиот работен ден од новата година се движи околу 1,0355 долари.
Јакнењето на доларот е благодарение на неодамнешната порака од американската централна банка дека ќе го забави темпото на зголемување на каматните стапки оваа година. Пазарот проценува дека ФЕД ќе ги намали каматните стапки двапати во 2025 година, за вкупно 0,50 процентни поени, додека Европската централна банка би можела да ги намали каматните стапки за цел процентен поен, а британската за 0,60 процентни поени.
Цените на нафтата благо пораснаа на почетокот на годината
Цените на нафтата, пак, благо пораснаа. Цената на барелот на лондонскиот пазар утринава се зголеми за 0,25 отсто, на 74,80 долари, додека на американскиот пазар цената на барелот порасна за 0,28 отсто, на 71,90 долари.