Apple е највредниот бренд на светот втора година по ред, откако неговата вредност се зголеми за 11 отсто минатата година на 547,5 милијарди долари, според студијата Brand Finance Global 500.
Второто место на рангирањето уште еднаш го зазеде брендот Мајкрософт чија вредност се зголеми за 35 отсто на 461,1 милијарди долари, третото место му припадна на Гугл со пораст од 24 отсто на 413 милијарди долари, а четвртото место му припадна на Амазон со пораст од 15 проценти на 356 долари.
Брендот Walmart напредуваше од шестото на петтото место, а неговата вредност скокна за 42 отсто на 137,2 милијарди долари.
Во првите десет највредни брендови спаѓаат и Samsung, чија вредност се проценува на 110,6 милијарди долари, TikTok 105,8 милијарди долари, Facebook 91,5 милијарди долари, Nvidia 87,9 милијарди долари и State Grid Corporation of China (SGC).
Дојче Телеком е препознаен како најскап бренд во Европа и се наоѓа на 11-тото место во целокупното рангирање, при што неговата вредност се зголеми за 16 отсто на 85,3 милијарди долари.
Топ 500 највредни брендови вклучуваат 193 американски брендови, кои сочинуваат повеќе од половина од вкупната вредност на целата листа. На рангирањето е претставена Кина со 69 марки, а Германија со 27.
