Американската платформа за изнајмување сместувачки капацитети Airbnb објави квартални резултати над очекувањата бидејќи побарувачката за меѓународни патувања остана силна, додека забавен раст беше предвиден во тековниот квартал поради силниот долар и силниот споредлив период.
Компанијата објави раст на приходите од 11,7 отсто до 2,48 милијарди долари во кварталот, што е над консензусот од 2,42 милијарди долари.
Растот на продажбата беше особено поттикнат од силната побарувачка во Азија, особено од кинеските потрошувачи кои посетуваат дестинации во Југоисточна Азија (стапка на раст од 25 проценти), додека домашните туристи во Јужна Америка, предводени од Бразил, забележаа пораст на ноќевањата за 30 проценти. Бројот на туристи кои првпат ги користеле услугите на компанијата во регионот се зголемил за речиси 15 отсто квартално, пишува Momentum.rs.
Бруто вредноста на резервациите во кварталот (заработка на домаќинот, провизии, трошоци за чистење, даноци) се зголеми за 13,5 отсто на 17,6 милијарди долари (консензус 17,2 милијарди долари), додека бројот на ноќевања и услуги за локални водичи се зголеми за 12,3 отсто на 111,0 милиони (консензус 108 милиони). Просечната ноќна цена се зголеми за 0,9 отсто на 158,1 долари.