Пазарот за автомобили од 15 до 25 години („young timers“) покажува многу динамика кога се во прашање цените – во рок од само една година, некои возила може да ја удвојат цената.
Компанијата „Classic Analytics“ спроведе истражување на 3.500 понуди за 1.000 модели на автомобили, и забележа навистина големи поскапувања за некои модели.
Едно од овие големи зголемувања се однесува, на пример, со Renault Twingo, кој пред шест месеци вредеше 1.200 евра, а сега чини дури 3.900 – неговата вредност во суштина е тројно зголемена.
Некои други модели се „големи победници“, па така VW Golf GTI вреди 14.000 евра наспроти 6.200 лани, а пореткиот модел на автомобил, Talbot Samba, вреди 18.000 евра наспроти минатогодишните 6.800.
Меѓу марките кои доживеаја значителни поскапувања, се издвојува Peugeot, а тоа се моделите 306 Cabrio, S16 и 309 GTi 16V, кои станаа вистински колекционерски предмети.
Еве список од 12 модели кои забележаа значителни зголемувања на цените во јануари 2025 година во споредба со јануари 2024 година:
- Renault Twingo (1992-1998) – +225%
- Peugeot 309 GTi 16V (1990-1993) – +188,9%
- Talbot Samba Rallye (1983-1986) – +164,7%
- Pontiac Firebird TransAm (1993-1998) – +154,5%
- Peugeot 306 2.0 16V S16 (1993-1996) – +151,5%
- Citroën CX 25 D Long Turbo 2 (1986-1989) – +145,9%
- Peugeot 306 2.0i Cabriolet (1994-1997) – +136,7%
- Lancia Ypsilon 1.1 (1995-2000) – +128,6%
- Talbot Sunbeam (1979-1981) – +127,8%
- VW Golf II GTI (1984-1987) – +125,8%
- Volvo 740DL (1982-1984) – +118,9
- Toyota MR2 Coupé T-Bar (1990-1994) – +113,3%
