Тојота минатата година продаде 10.159.336 автомобили, вклучувајќи ги и возилата со значката Lexus. Кога ќе се додадат и пратките од подружниците „Даихацу“ и „Хино“, вкупниот број се зголемува на 10.821.480.
Иако испораките се намалија за 3,7 проценти во споредба со претходната година, Тојота сепак остана светски лидер – надминувајќи ја групацијата Фолксваген петта година по ред, со што дополнително ја консолидира својата доминација во автомобилската индустрија.
Но, дали некогаш сте се запрашале колку возила Тојота моментално се возат низ целиот свет? Сега има официјална проценка што доаѓа директно од јапонскиот производител: Околу 150 милиони возила во употреба!
Зад оваа објава стои финансиска мотивација. Имено, Тојота сака да генерира повеќе приходи од постоечката флота, преку посилна поддршка за резервни делови и дополнителна опрема.
