Американскиот технолошки гигант „Мајкрософт“ објави дека ќе инвестира 10 милијарди долари во развој на центар за податоци на португалскиот брег, во градот Синес, кој се наоѓа околу 150 километри јужно од Лисабон.
Оваа инвестиција, една од најголемите во Европа оваа година, се реализира во партнерство со португалскиот развивач „Старт Кампус“ и британскиот стартап „Енскал“.
Првиот од планираните шест објекти веќе беше отворен во март, а „Мајкрософт“ планира да продолжи со изградбата во следната фаза од проектот, пренесува „Ројтерс“.
