Винарската визба „Тиквеш“ АД Кавадарци, лидер во домашното производство на вино, избра нов член во својата менаџерска структура. Со одлука на Надзорниот одбор на компанијата, Дарко Човиќ е назначен за нов член на Управниот одбор.
“Согласно Глава 6 од Правилата за котација, известуваме за следниве измени во органите на управување и надзор:
Акционерско друштво за производство и промет на вино ВИНАРСКА ВИЗБА – ТИКВЕШ експорт – импорт АД – Кавадарци, известува дека по донесена Одлука од седница на Надзорниот Одбор, лицето Дарко Човиќ е избран за нов член на Управен Одбор на ВВ-ТИКВЕШ АД-Кавадарци“, стои во објавата.
