По 13 години непрекината доминација на Волмарт, глобалната ранг-листа на најголемите компании по приходи има нов лидер. Технолошкиот и малопродажниот гигант Амазон го зазеде првото место. Ова значи не само промена во редоследот, туку и фундаментална промена во начините на генерирање приходи во модерната економија.
Според најновите проекции објавени од CNN, Амазон забележa вкупна продажба од 717 милијарди долари во 2025 година. Од друга страна, Волмарт, кој ја држеше титулата најголема повеќе од една деценија, постигнa 713 милијарди долари во истиот период.
Диверзификацијата како клуч за раст: Облакот и рекламирањето
Иако Амазон и Волмарт често се гледаат исклучиво низ призмата на соперништвото во малопродажниот сектор, искачувањето на Амазон на врвот е резултат на стратешка диверзификација на бизнисот. Клучна разлика лежи во способноста на Амазон да генерира значителни приходи надвор од традиционалната трговија, првенствено преку cloud computing и дигитално рекламирање.
