Кинеските власти побараа од своите главни рафинерии да го суспендираат извозот на дизел и бензин, бидејќи војната на Блискиот Исток претставува ризик од недостиг на снабдување, објави Блумберг.
Сегашната блокада на поморскиот сообраќај во стратешки важниот Ормутскиот теснец, помеѓу Индискиот Океан и Персискиот Залив, го загрозува снабдувањето со енергија на азискиот гигант, кој е во голема мера зависен од суровата нафта од овој регион.
Претставници на Националната комисија за развој и реформи (NDRC), главното тело за економско планирање на Кина, се сретнаа со претставници на рафинериите и „усно побараа привремено прекинување на испораките на нафтени производи, со веднаш стапување во сила“, според Блумберг.
„Од рафинериите е побарано да престанат да потпишуваат нови договори и да преговараат за откажување на веќе договорените испораки“, објави агенцијата, повикувајќи се на извори блиски до ова прашање.
ПетроКина, Синопек, ЦНООК, Синокем Груп и приватната рафинерија Жеџијанг Петрохемикал редовно добиваат квоти за извоз на гориво од владата, додаде Блумберг.