Војната во Иран и блокадата на Ормутскиот теснец доведоа до зголемување на цените на гасот во Европа за околу 30 проценти, а истото важи и за нафтата, поради што многу земји се свртеа кон обновливите извори на енергија како клучно решение не само за еколошка транзиција, туку и за енергетска безбедност и независност, според најновата студија.
Според извештајот на организацијата Ембер, специјализирана за енергетика, во 2025 година е изграден рекорден капацитет од 814 гигавати сончева и ветерна енергија, што е за 17 проценти повеќе од претходната година, објавува Rtve.
Електричната енергија произведена само од дополнителните гигавати инсталирани во изминатата година би можела да замени повеќе од една седмина од светското производство на електрична енергија на гас, или речиси двојно повеќе од вкупниот годишен извоз на течен природен гас (LPG) на Катар.