Инфлацијата во Србија на годишно ниво во мај годинава изнесуваше 3,5 проценти, а месечната инфлација 0,3 проценти, објави денес Републичкиот завод за статистика на Србија.
Цените на производите и услугите за лична потрошувачка, кои се користат за мерење на инфлацијата, во мај во споредба со декември 2025 година се зголемија во просек за 2,4 проценти.
Што поскапе најмногу во Србија? Транспортот со најголем скок на цените во мај
Гледано по главните групи на производи и услуги класифицирани според намената на потрошувачката, во мај, во споредба со претходниот месец, раст на цените е забележан во групата транспорт (еден процент), во групите здравје, мебел, опрема за домаќинството и тековно одржување на станови, облека и обувки и предмети и услуги за лична нега, социјална заштита и други услуги (за по 0,5 проценти).
Производите и услугите се поскапи во групите домување, вода, електрична енергија, гас и други горива и ресторани и хотели (за по 0,4 проценти), алкохолни пијалоци и тутун, информации и комуникации и рекреација, спорт и култура (за по 0,2 проценти) и во групата храна и безалкохолни пијалоци (0,1 процент).