Американската технолошка компанија „Гугл“, во сопственост на „Алфабет“, ја прошири својата програма за доброволно заминување на вработените во уште пет земји оваа година за да ги контролира трошоците поради големите инвестиции во вештачка интелигенција (ВИ).
Во јуни, компанијата понуди отпремнина на вработените во одредени сектори во Канада, Франција, Германија, Јапонија и Швајцарија, објави Ројтерс.
Гугл потврди дека програмата е проширена на меѓународно ниво, но не соопшти колку вработени ја прифатиле понудата.
„Во 2025 година, некои од нашите тимови воведоа програма за доброволно заминување со отпремнина. Во јуни оваа година, ја проширивме оваа програма во неколку земји со цел да ги поддржиме важните активности што нè очекуваат“, изјави портпаролот на компанијата.
