Иако сè уште не почнал да превезува патници, рускиот трамвај на иднината наречен Russian One, почна да привлекува огромно внимание со своите перформанси и футуристичкиот изглед.
LED освлетлување во кабините, каучи обложени со фина волна, дрвени држачи за раце, стаклени врати на лизгање што се отвараат на допир, алуминиумски столбови, подови од линолеум… сето ова може да се види на ултра модерниот трамвај.
Russian One работи на струја и достигнува брзина од 80 километри на час.
Превозното средство е дело на UralVagonZavod компанија којашто произведува разни машини и е моментално најголемиот производител на борбени тенкови во светот, а зад дизајнот стои Алексеј Маслов.
