Побарувачката за нови автомобили најверојатно значително ќе се намали во следните месеци во Германија, се вели во анализата на шефот на Центарот за автомобилско истражување (CAR), Фердинанд Дуденхофер.
Неподготвеноста на потрошувачите да купуваат автомобили ќе биде главниот проблем за производителите, наместо тешкотиите во синџирот на снабдување со кои долго време се борат, рече Дуденхофер.
Заедно со високата инфлација, плановите за намалување на владините субвенции за електричните автомобили исто така ја намалуваат побарувачката.
Многу производители на автомобили имаат заостанати нарачки, но производството се опоравува, што им овозможува брзо да го решат проблемот, рече Дуденхофер, повикувајќи се на податоци за производството од германските производители.
Производителите на автомобили во Германија произведоа 21% повеќе возила во мај и јуни отколку во истиот период минатата година.
Сепак, има мал поттик за купување нови автомобили и купувачите треба да очекуваат пораст на цените во наредните месеци, според аналитичарите.
Ова особено се однесува на електричните автомобили бидејќи литиумот, никелот и другите суровини за производство на батерии веќе значително поскапеа.
