Astra Zeneca ја купува американската компанија Cin Cor

29

Британско-шведската фармацевтска компанија Astra Zeneca го потврди купувањето на американската биотехнолошка Cin Cor во зделка вредна околу 1,8 милијарди долари, бидејќи се обидува да ја прошири својата палета на лекови за срце и бубрези.

Astra Zeneca ќе плати 26 долари по акција, што е за 121 отсто повеќе од последната цена на акциите на американската компанија од 11,78 долари, пишува Financial Times. Тоа ќе ја чини британско-шведската компанија околу 1,3 милијарди долари.

Како дел од трансакцијата, Astra Zeneca ќе купи и пазарни хартии од вредност на Cin Cora за вкупно 522 милиони долари.

Аналитичарите очекуваат дека реализацијата на договорот ќе трае една година.