Знаете како е во Куба. Откако социјалистичкиот режим на Фидел Кастро дојде на власт на тој остров во 1959 година, увозот на нови американски и западноевропски автомобили престана. Земјата е изолирана, па Кубанците мораа да се снаоѓаат. Затоа американските гиганти, старите кадилаци, шевролети…, чии оригинални V8 мотори беа отстранети и во нив беа поставени поекономични четирицилиндрични бензински и дизел мотори. Олдтајмерите сè уште крстосуваат по патиштата, а многу европски политичари стравуваат од слично сценарио. Сепак, мотивите се малку поинакви. Имено, многумина од нив стравуваат дека откако во 2035 година ќе биде забранета продажбата на нови автомобили на бензин и дизел, европските патишта ќе наликуваат на кубанските.
– Ќе видите дека повеќето граѓани што подолго ќе се држат до половните автомобили со мотори со внатрешно согорување. Од 2035 година автомобилите на нашите улици постепено ќе изгледаат како оние во Куба – најави Кристијан Бернрајтер, министер за транспорт во германската покраина Баварија, пишува ХАК ревија.
Очигледно, Баварецот е загрижен и што ќе се случи со германската автомобилска индустрија, која е главниот мотор на економијата…
Фото: pixabay
