Бензинот и дизелот поевтини за два денари

10

44d536cbd8aad20c5adfba87c2d31408Oд ноќеска на полноќ цените на бензините и на дизел горивото се намалуваат за два денари по литар.

Според Регулаторната комисија за енергетика (РКЕ), со одлуката се врши намалување на рафинериските и на малопродажните цени на нафтените деривати за 3,39%, односно за 2,66%.

Така, новата малопродажна цена на ЕУРОСУПЕР БС-95 ќе изнесува 76,50 денари за литар, ЕУРОСУПЕР БС-98 ќе се продава за 78, а ЕУРОДИЗЕЛ (Д-Е V) за 68,50 денари за литар.

Малопродажната цена на Екстра лесното масло за домаќинство (ЕЛ-1) се намалува за 1,50 денари за литар и сега ќе чини 57,50 денари за литар.

Со одлуката на РКЕ за 1,078 денари за килограм се намалува и малопродажната цена на мазутот М-1 НС кој сега ќе се продава за 39,457 денари за килограм.

Причини за намалувањето на малопродажните цени на нафтените деривати според РКЕ се за 2,3% повисоката просечна цена на сурова нафта на светскиот пазар во изминатите 14 дена и за 1,09% повисокиот курс на денарот во однос на доларот.