Канадската компанија BlackBerry го престави својот најнов паметен телефон DTEK50, којшто користи Android 6.0 Marshmallow софтвер и ги има истите карактеристики како Alcatel Idol 4, пишува The Verge.
Според компанијата, ова е најсигурниот смартфон на светот и веќе може да се нарача директно од BlackBerry по цена од 299 долари.
Неговиот DTEK софтвер ги шифрира сите податоци на телефонот, вклучувајќи ги видеата и фотографиите, со што на корисниците им овозможува контрола и заштита на нивната приватна содржина. Телефонот располага со 5,2 инчен дисплеј, меморија од 16 GB, Qualcomm Snapdragon 617 процесор, 3GB RAM меморија и камера со 13 мегапиксели.
DTEK50 ќе започне да се продава од осми август.
